पूर्व युवराज पारस शाहलाई चौथोपटक हृदयघात, अवस्था स्थिर

काठमाडौं—पूर्व युवराज पारस शाहलाई चौथो पटक हृदयघात भएको छ । आइतबार बेलुका हृदयघात भएपछि उनलाई नर्भिक अस्पतालमा भर्ना गरिएको थियो ।

अस्पताल भर्ना भएलगतै चिकित्सकहरुले उनको एन्जियोप्लाष्टी गरेका थिए । अहिले शाहको अवस्था स्थिर रहेको उपचार संलग्न एक चिकित्सकले जानकारी दिए ।

‘उहाँलाई हृदयघात भएको हो,’  ती चिकित्सकले हेल्थआवाजसँग भने, ‘अहिले अवस्था स्थिर छ ।’ उनलाई अझै केही दिन अस्पतालको निगरानीमा राखेर उपचार गरिनेछ ।

५३ वर्षीय पूर्व युवराज पारसलाई यसअघि पनि तीन पटक हृदयघात भइसकेको छ ।