पाटन स्वास्थ्य विज्ञान प्रतिष्ठानको सिनेटः ३ अर्ब १९ करोड बजेट स्वीकृत

काठमाडौं—पाटन स्वास्थ्य विज्ञान प्रतिष्ठान सभाको बैठकले ३ अर्ब १९ करोड रुपैयाँको बजेट पारित गरेको छ । मंगलबार प्रधानमन्त्री निवास बालुवाटारमा बसेको प्रतिष्ठानको १५ औं सिनेट बैठकले आगामी आर्थिक वर्षका लागि ३ अर्ब १९ करोड ४६ लाख रुपैयाँको बजेट स्वीकृत गरेको हो ।

प्रधानमन्त्री एवं कुलपति केपी शर्मा ओलीको अध्यक्षतामा भएको बैठकमा विश्वविद्यालयका रजिष्ट्रार प्रा.डा. पारशकुमार आचार्यले प्रस्तुत गरेको बजेट र कार्यक्रम संशोधनसहित स्वीकृत भएको हो ।

कुलपति ओलीले बेरुजु फर्स्यौटलाई अझै तीव्रता दिन र गुणस्तरीय सेवा दिन आग्रह गरे ।

कुलपति ओलीको निर्देशनमा सबै विश्वविद्यालय÷प्रतिष्ठानहरुले नयाँ आर्थिक वर्ष लाग्नु अगावै आगामी आर्थिक वर्ष बजेट तथा कार्यक्रम सिनेट बैठकबाट अनिवार्य स्वीकृतिको क्रम जारी रहेको छ ।