लगातार उकालोमा मेडिकेयर हस्पिटल लिमिटेडको कारोबार

काठमाडौं—चाबहिलस्थित मेडिकेयर हस्पिटल लिमिटेडको वार्षिक कारोबार तीन वर्षदेखि लगातार उकालोमा रहेको पाइएको छ । अस्पतालको फाइनान्सियल तथ्यांकअनुसार अस्पतालले सन् २०२४ मा ५४ करोड ९० लाख रुपैयाँको कारोबार गरेको छ ।

अस्पतालको कारोबार सन् २०२३ को तुलनामा ४ करोड ८० लाख रुपैयाँ कारोबार वृद्धि गरेको हो । सन् २०२४ मा अस्पतालले ५० करोड १० लाख रुपैयाँको कारोबार गरेको थियो । अस्पतालको आम्दानीको ६० प्रतिशत हिस्सा ओपीडीका बिरामीहरुबाट प्राप्त रकम हो ।

यसअघि सन् २०२२ मा मेडिकेयरको वार्षिक कारोबार ४७ करोड २० लाख रुपैयाँ रहेको थियो ।

सन् १९९६ देखि सञ्चालनमा रहेको मेडिकेयर हस्पिटल लिमिटेडमा ८७ शय्या अस्पताल सञ्चालन गरिरहेको छ । अस्पतालमा गैरआवासीय नेपाली व्यवसायीद्वय जीवा लामिछानेको सानिमा समूह र उपेन्द्र महतोको महतो समूहको लगानी रहेको छ ।