नर्भिक इन्टरनेशनल अस्पतालले आईपीओ ल्याउने, लाभांश वापत ४० प्रतिशत बोनस सेयर वितरण गर्ने

काठमाडौं—थापाथलीस्थित नर्भिक अन्तर्राष्ट्रिय अस्पताल एण्ड मेडिकल कलेज लिमिटेडले आईपीओ निष्काशन गर्ने भएको छ । ४ भदौंमा बसेको सञ्चालक समितिको बैठकले संस्थाको जारी पुँजीको २० प्रतिशत साधार शेयर (आईपीओ) सर्वसाधारणका लागि जारी गर्ने विशेष प्रस्ताव साधारणसभामा लैजाने निर्णय गरेको छ ।

नर्भिकको साधारणसभा २९ भदौंमा हुँदैंछ । तीन वटा विशेष प्रस्ताव साधारणसभामा लैजाने सञ्चालन समितिले निर्णय गरेको हो ।

जसमा २० प्रतिशत आईपीओ सर्वसाधारणका लागि जारी गर्ने, मुनाफाबाट लााभांश वापत ४० प्रतिशत बोनस सेयर वितरण गर्ने र बोनस सेयर जारी पश्चात आवश्यकताअनुसार प्रबन्धपत्र र नियमावली संशोधन गर्ने अख्तियारी सञ्चालक समितिलाई प्रदान गर्नेछन् ।

यस्तै, सञ्चालक समितिको बैठकले ७ वटा साधारण प्रस्ताव पनि साधारणसभामा लैजाने निर्णय गरेको छ ।