प्रदर्शनकारीहरुले नेताका घरमा आगजनी थाले, धनगढीस्थित देउवा निवास जलाइयो

काठमाडौं—जेन—जीको प्रदर्शनमा प्रहरी दमनपछि १९ जनाको मृत्यु भएपछि मंगलबार प्रदर्शन झन भडकिएको छ । धनगढीस्थित नेपाली कांग्रेसका सभापति शेरबहादुर देउवाको निवासमा आगजनी भएको छ ।

बुढानिलकण्ठस्थित देउवा निवासमा पनि आन्दोलनकारीहरुले आक्रमण जारी राखेका छन् । यस्तै, संचारमन्त्री पृथ्वीसुब्बा गुरुङ सुनाकोठीस्थित घरमा आगजनी गरिएको छ भने जनकपुरस्थित एमाले नेता रघुवीर महासेठको घरमा ढुंगामुढा गरिएको छ ।

निवर्तमान गृहमन्त्री रमेश लेखकको नैकापस्थित घरमा आगजनी गरिएको छ । एमाले केन्द्रीय कार्यलय च्यासलमा पनि तोडफोड भएको छ ।