जेन-जी प्रदर्शनका घाइतेको वर्गीकरण गरिदैं, प्रमुख जिल्ला अधिकारीको नेतृत्वमा समिति

काठमाडौं—सरकारले जेन-जी प्रदर्शनका घाइतेहरुको वर्गीकरण गर्न प्रमुख जिल्ला अधिकारीको संयोजकत्वमा समिति गठन बनाएको छ । बुधबार स्वास्थ्य तथा जनसंख्या मन्त्रालयले जेन—जी प्रदर्शनका घाइतेहरुको वर्गीकरण सम्बन्धि कार्यविधीअनुसार घाइतेहरुको वर्गीकरण गरिने जनाएको छ ।

‘जेन्जी प्रदर्शनका घाइतेहरुको वर्गीकरण सम्बन्धी कार्यविधी, २०८२’ अनुसार घाइतेहरुको वर्गीकरण कार्य सहज बनाउने प्रत्येक जिल्लामा प्रमुख जिल्ला अधिकारी संयोजक रहने गरी ८ सदस्सीय जिल्लास्तरीय वर्गीकरण तथा सहजीकरण समिति गठन गरिएको छ ।

समितिले घाइतेहरुको वर्गीकरण गर्नेछ भने थप आवश्यक सहयोग जिल्ला अस्पतालका अस्पताल प्रमुख, विशेषज्ञ चिकित्सक र स्वास्थ्य कार्यलय प्रमुखबाट लिनेछ ।

२५ कात्तिकमा गृह मन्त्रालयले घाइतेहरुको वर्गीकरण गरी स्वास्थ्य मन्त्रालयमा रहेको प्राविधिक समितिमा पठाउन सबै जिल्ला प्रशासन कार्यलयहरुलाई पत्राचार गरिसकेको छ ।