प्रलोपाको चुनावी प्रतिबद्धताः स्वास्थ्य बीमा प्रभावकारी बनाउने, ग्रामीण स्वास्थ्य संरचना विस्तार गर्ने

काठमाडौं—प्रगतिशील लोकतान्त्रिक पार्टीले चुनावी प्रतिबद्धता पत्र सार्वजनिक गरेको छ । आइतबार ‘प्रगतिशील लोकतन्त्र, उन्नतिशील राष्ट्र’ नारासहित सार्वजनिक गरिएको प्रतिबद्धतापत्रमा स्वास्थ्यमा तीन बुँदे प्रतिबद्धता गरिएको छ ।

सो पार्टीका परिषद् सदस्यहरु दुर्गा सोब, सुदन किराँती र सन्तोष परियारलगायत संयुक्त रुपमा सार्वजनिक गरेको प्रतिबद्धतामा पत्रमा स्वास्थ्यतर्फको पहिलो प्रतिबद्धतामा सबै नागरिकका लागि आधारभूत स्वास्थ्य सेवा निःशुल्क व्यवस्था गर्ने उल्लेख छ ।

यसैगरी, प्रलोपाले दोस्रो प्रतिबद्धतामा स्वास्थ्य बीमा प्रभावकारी बनाउने र ग्रामीण स्वास्थ्य संरचना विस्तार गर्नेछ । तेस्रो प्रतिबद्धतामा भने मातृ, शिशु, जेष्ठ नागरिक, अपांगता र यौनिक तथा लैगिंक अल्पसंख्यक नागरिकलाई प्राथमिकता दिने उल्लेख छ ।