काठमाडौं—किष्ट शिक्षण अस्पतालमा विश्व मिर्गौला दिवस मनाइएको छ । बिहीबार अस्पतालले विशेष कार्यक्रमको आयोजना गरी विश्व मिर्गौला दिवस मनाएको हो ।
वि.सं. २०७८ सालबाट मिर्गौला प्रत्यारोपण सेवा समेत सुरु गरेको किष्टले आयोजनाको गरेको उक्त कार्यक्रममा अस्पताल कार्यकारी समिति सदस्यहरु, मिर्गौला प्रत्यारोपण टोली तथा विभिन्न विभागका चिकित्सकहरुको उपस्थिती रहेको थियो ।
साथै विश्व मिर्गौला दिवसको अवसर पारेर अस्पतालले सर्वसाधारण तथा बिरामीका लागि जनचेतनामूलक सन्देश तथा सचेतनामूलक कार्यक्रमसमेत सञ्चालन गरेको अस्पतालले जनाएको छ ।
अस्पतालले मिर्गौला स्वस्थ राख्नका लागि नियमित व्यायाम गर्न, शरीरलाई सक्रिय राख्न, फलफूल, सागसब्जी र सन्तुलिन खाना खान, नुन कम खान, रगतमा चिनीको मात्रा जाँच र नियन्त्रण गर्न भनेको छ ।
यस्तै, रक्तचाप जाँच र नियन्त्रण गर्न, पर्याप्त पानी पिउन, धुम्रपान नगर्न, अनावश्यक औषधि सेवन नगर्न र नियमित स्वास्थ्य जाँच गर्न पनि आग्रह गरेको छ ।
