भरतपुर अस्पतालको मेसुमा डा. विश्वबन्धु बगाले नियुक्त

काठमाडाैं । स्वास्थ्य तथा जनसंख्या मन्त्रालयले भरतपुर अस्पतालको मेडिकल सुपरिटेण्डेण्टको जिम्मेवारी डा. विश्वबन्धु बगालेलाई दिएको छ । बुधबार स्वास्थ्य तथा जनसंख्या मन्त्री निशा मेहताले मन्त्रीस्तरीय निर्णय गर्दै डा. बगालेलाई भरतपुरको मेसुको जिम्मेवारी दिएकी हुन् ।

‘म त्यही सेवा समूहको हुँ,’ डा. बगालेले भने, ‘मन्त्रालयले आजबाट मलाई भरतपुर अस्पतालको मेसुको जिम्मेवारी दिएको छ अब भरतपुर अस्पतालको सेवा प्रवाह सुधार लगायतका कार्यमा जुट्छु ।’ डा. बगाले यसअघि स्वास्थ्य तथा जनसंख्या मन्त्रालयमा थिए । त्यसअघि उनी गण्डकी प्रदेशको स्वास्थ्य सचिवका रुपमा कार्यरत थिए ।

डा. बगाले ११ औँ तहका बाल रोग विशेषज्ञ हुन् । यसअघि भरतपुरमा १० औँ तहका डा. कृष्ण पौडेल भरतपुरका मेसु थिए ।