राजविराज-३ स्थित भेटेरिनरी अस्पतालका निमित्त प्रमुख डा. दास अख्तियारको नियन्त्रणमा

जनकपुरधाम– अख्तियार दुरुपयोग अनुसन्धान आयोगले सेवाग्राहीसँग घुस मागेको आरोपमा राजविराज नगरपालिका–३ स्थित भेटेरिनरी अस्पताल तथा पशु सेवा विज्ञ केन्द्रका निमित्त कार्यालय प्रमुख डा. राम पवित्र दास नियन्त्रणमा लिएको छ । २२ असारमा अख्तियारको टोलीले आठौं तहका पशु विकास अधिकृत डा. दास र हलुका सवारी चालक भोगेन्द्र यादवलाई नियन्त्रणमा लिएको हो ।

यादवले भ्याक्सिनेटरहरुबाट सेवा उपलब्ध गराए वापतको पाउनुपर्ने रकमको २० प्रतिशत कमिसनस्वरुप घुस/रिसवत माग्ने गरेको उजुरी अख्तियारमा परेको थियो । त्यसपछि अनुसन्धानका लागि इटहरीबाट खटिएको अख्तियारको टोलीले यादवलाई ३३ हजार २५० रुपैयाँ घुस लिइसकेको अवस्थामा नियन्त्रणमा लिएको अख्तियारका सहायक प्रवक्ता गणेशबहादुर अधिकारीले जानकारी दिए ।

अनुसन्धानका क्रममा स्रोत नखुलेको र४८ हजार ७० रुपैयाँ समेत फेला परेको थियो । यस्तै, निमित्त कार्यालय प्रमुख डा. दासको कार्यकक्षबाट मोबाइल फोन १ थान र १ लाख २५ हजार बराबरको चेक एक थानसमेत बरामद गरिएको अधिकारीले बताए ।

घटनाबारे थप अनुसन्धान भइरहेको अख्तियारले जनाएको छ ।