कर्णाली स्वास्थ्य विज्ञान प्रतिष्ठानको रेक्टरमा डा थापा

काठमाडाै–कर्णालि स्वास्थ्य विज्ञान प्रतिष्ठानको शिक्षाध्यक्ष(रेक्टर)मा डा निरेश थापा नियुक्त भएका छन् । बिहिवार सहकुलपती समेत रहेका स्वास्थ्य तथा जनसंख्या मन्त्री भानुभक्त ढकालले उनलाइ प्रतिष्ठानको शिक्षाध्यक्षमा नियुक्त गरेका हुन् ।
सो पदको लागि प्रतिष्ठानका उपकुलपती डा राजेन्द्र वाग्लेले डा थापा सहित डा भरतमणी पोख्रेल र डा बद्री बढुको नाम सिफारीस गरेका थिए । डा थापा यस अघि सोही प्रतिष्ठानको मेडिकल निर्देशक रहेका थिए ।
रुपन्देही सैनामैनाका थापा कर्णाली स्वास्थ्य विज्ञान प्रतिष्ठानमा ६ वर्ष देखी काम गरीरहेका छन् । उनि प्रतिष्ठानका एशोसियट प्रोफेसर हुन् । डा थापाले गाइनो अन्कोलोजीमा विद्यावारिधी गरेका छन् ।