बझाङमा सुत्केरी महिलाको उद्धार

बझाङ : बझाङमा सुत्केरी महिलाको उद्धार गरिएको छ। हिजो (आइतबार) नेपाली सेनाको हेलीकोप्टर मार्फत थलारा गाउँपालिका वडा नम्बर ८ की २३ वर्षीया सरीता सिंहको उद्धार गरिएको हो।

शनिबार सुत्केरी भएकी उनको अचानक पेट फुल्ने समस्या र पाठेघरमा रगत देखा परेपछि उनलाई नेपालगंज रेफर गरिएको जिल्ला अस्पताल बझाङले जनाएको छ।

पेट फुल्ने समस्या भएपछि उनको जिल्ला अस्पतालमा सल्यकृया गर्दा सिहँको झण्डै एक फिट सानो आन्द्रामा गम्भिर संक्रमण भई काम नलाग्ने अवस्थामा पुगेको फेला परेपछि तत्कालै उनको रेफर गरिएको जनाइएको छ।