हुबेईका नेपाली ल्याउन शनिबार वाइडवडी वुुहान जाने

काठमाडौं—नोबेल कोरोना भाइरसको इपिसेन्टर मानिएको चीनको हुबेई प्रान्तको बुहानमा रहेका नेपालीहरु ल्याउन शनिबार नेपाल एयरलाइन्सको वाइडबडी वुहान जाने भएको छ । शनिबार दिउँसो पौने तीन बजे नेपाल एयरलाइन्सको वाइडबडी १७ सदस्सीय टोलीसहित चीन जाने भएको हो ।

नेपाली लिन चीन जाने टोलीमा चारजना चिकित्सकसहित तीन जना पाइलट रहेका छन् । यस्तै, उक्त विमानमा ६ जना क्याबिन क्रू, २ इन्जिनियरिसहित १—१ जना डिस्प्याचर र लोडर रहेका छन् । चीन जाने चिकित्सक नेपाली सेनाका हुन् ।

उक्त विमान आइतबार नेपाल फर्किनेछ । हुबेई प्रान्तबाट फर्काइएका नेपालीलाई खरिपाटीस्थित विद्युत प्राधिकरणको तालिम केन्द्रमा राखिएको छ । विद्युत प्राधिकरणको ६० कोठामा १ सय ८६ अट्ने गरी व्यवस्था गरिएको छ ।

उनीहरुलाई १४ दिनसम्म त्यही राखिनेछ । त्यतिबेला उनीहरुले परिवारका सदस्यहरुलाई भेट्न पाउने छैनन् ।