पोखरा विश्वविद्यालयको स्वास्थ्य विज्ञान संकायको डिनमा डा. नागिला नियुक्त

पोखरा–पोखरा विश्वविद्यालयका सह–प्राध्यापक डा. अमर नागिला स्वास्थ्य विज्ञान संकायको डिनमा नियुक्त भएका छन् । पोखरा विश्व विद्यालय कार्यकारी परिषदको सोमबार बसेको बैठकले उनलाई डिन नियुक्त गरेको हो ।

प्रयोगशालाविद् डा.नागिला क वर्गको ल्याब लाइफ केयर डायग्नोस्टिक प्रालि पोखराका निर्देशक हुन् । जहाँ कोभिड–१९ को पिसिआर जाँच हुने गरेको छ ।

यस्तै, कार्यकारी परिषद्ले ३ जेठदेखि नै लागु हुने गरी पोखरा विश्वविद्यालयको परीक्षा नियन्त्रकमा स्कुल अफ हेल्थ एन्ड एलाइड साइन्सेजका सह–प्राध्यापक डा. तुल्सीराम भण्डारीलाई नियुक्त गरेको छ ।

दुवैको कार्यकाल ४ वर्षको हुनेछ ।