चरक मेमोरियल अस्पतालको वार्षिक कारोबार ४३ करोड

काठमाडौं—पोखरास्थित चरक मेमोरियल अस्पताल प्रा.लि.को वार्षिक कारोबार ४३ करोड रहेको छ । अस्पतालको फाइनान्सियल तथ्यांकअनुसार सन् २०२५ मा चरकले ४३ करोड ६० लाख रुपैयाँ (अपरिष्कृत)को कारोबार गरेको छ ।

सन् २०२४ मा उसको वार्षिक कारोबार ३१ करोड ६० लाख रुपैयाँ रहेको थियो । चरक मेमारियल अस्पतालले सन् २०२३ मा २० करोड ८० लाख, सन् २०२२ मा २९ करोड १० लाख र सन् २०२१ मा ३८ करोड ९० लाख रुपैयाँको कारोबार गरेको थियो ।

कास्कीको पोखरामा रहेको चरक मेमोरियल अस्पतालमा सन् २०२० देखि १०० शय्या सञ्चालनमा छन् । सन् २०१२ का चरक ३८ शय्याको अस्पतालको रुपमा स्थापना भएको थियो ।

चरक अस्पताल रामचन्द्र रेग्मी, कपिल पोखरेल, बद्री पौडेललगायतको टिमको स्वामित्व छ ।