आँबुखैरनी अस्पतालमा छिम्केश्वरी अस्पताल गाभियो

पोखरा—आँबुखैरेनी गाउँपालिकास्थित छिमकेश्वरी अस्पताल प्रा.लि. गाउँपालिकाद्वारा सञ्चालित आँबुखैरनी अस्पतालमा समायोजना गरिएको छ । गाउँपालिकाले निजी रुपमा सञ्चालनमा आएको अस्पताललाई आफू मातहत सञ्चालित अस्पतालमा गाभेर पालिकावासीलाई स्वास्थ्य पहुँच पु¥याउने पहल गरेको हो ।

छिमकेश्वरी अस्पताल प्रा.लि.का सञ्चालक समिति अध्यक्ष कृष्णमान तामाङ र आँबुखैरेनी अस्पताल सञ्चालक समिति तथा आँबुखैरेनी गाउँपालिका अध्यक्ष शुक्र चुमानले अस्पताल समायोजन सम्बन्धी सम्झौतापत्रमा हस्ताक्षर गरे ।

कार्यक्रममा आँबुखैरेनी अस्पताल सञ्चालक समिति र छिमकेश्वरी अस्पतालका प्रा.लि.का सञ्चालक तथा शेयर सदस्यहरुको उपस्थिति रहेको थियो ।

गण्डकी प्रदेश सरकारले कोभिड कहरबीच लायन्स क्लबले सञ्चालन गरेको लेखनाथ लायन्स क्लबलाई आफू मातहत ल्याएर संक्रामक तथा सरुवा रोग अस्पताल बनाएको थियो । संक्रामक अस्पताल प्रदेश मातहतको पहिलो अस्पताल हो ।

आँबुखैरनीले पनि पालिकास्तरीय अस्पतालको क्षमता विस्तारका लागि पालिका मातहतको अस्पतालको क्षमता विस्तारको पहल गरेको हो ।