२०८१ असार ४, सोमबार
Health Aawaj logo
गृहपृष्ठकर्णाली प्रदेशनगरपालिकाले ग¥यो ३ सय नगरबासीको उद्धार

नगरपालिकाले ग¥यो ३ सय नगरबासीको उद्धार


विश्वभर महामारीको रुपमा फैलिरहेको कोभिड-१९का कारण नागरिकहरु त्रसित छन्। नेपाल सरकारले यस माहामारीको रोकथाम तथा नियन्त्रण गर्नको लगि देशभर लकडाउन गरिरहेको छ । जसको प्रभावका कारण आफ्नो गृह जिल्ला छोडी बाहिरी जिल्ला अथवा भारत तथा तेश्रो मुलुकबाट आएका नागरिकहरु बिच बाटोमै अलपत्रमा पर्ने गरेका छन् । तर कर्णालीको दुर्गम मानिने जिल्ला मुगुको छायानाथ रारा नगरपालिकाले भने जिल्ला बाहिर गएका आफ्ना नगरवासि लाई उद्धारमा लागेको छ ।

लगडाउनकै कारण सुर्खेत र नेपालगञ्जमा अलपत्र परेका मुगु जिल्ला छायाँनाथ रारा नगरपालिकाका स्थानीयवासीलाई स्थानीय सरकारले उद्धार गरेको हो । बाहिरी जिल्ला बाट मुगुसम्म पुग्नको लागि नगरपालिकाले बस भाडा तिरेर उद्दार गरेको छायानाथ रारा नगरपालिकाले जनाएको छ । औषधि उपचार, पढ्न गएका विद्यार्थीहरु, व्यापार लगायत अन्य कामको सिलसिलामा जिल्ला बाहिर अलपत्रपरेका छायाँनाथ रारा नगरपालिकाका ३ सय भन्दा बढी स्थानीयवासीहरु लाई ३ दिन लगाएर ५ वटा सवारी साधनमार्फत नगरपालिकाले उद्धार गरेको हो ।

उद्दार गरिएका नगरवासीहरुलाई कोरोना भाइरस सम्बन्धी नगरपालिकाले सञ्चालन गरेको स्वास्थ्य हेल्थ डेक्समा स्वास्थ्य परीक्षण गराएको छ । यस्तै काठमाडौमा रहेका नगरवासीहरु अहिलेसम्म ६ सय भन्दा बढी सम्र्पकमा आएको र उनीहरुलाई पनि ३÷४ दिनपछि उद्दार गर्ने तयारी भइरहेको छायाँनाथ रारा नगरपालिकाका नगर प्रमुख हरिजङ्ग शाहीले जानकारी दिए । संकटको बेला स्थानीय सरकारले गरेको सहयोगबाट स्थानीयवासी खुसी देखिएको नगर प्रमुख शाहीले बताए ।


क्याटेगोरी : कर्णाली प्रदेश



तपाईको प्रतिक्रिया दिनुहोस


ट्रेण्डिङ