कर्णालीमा कोरोनामुक्त हुने संख्या १२ सय ३१ पुग्यो

चन्द्रा कँडेल सोमबार, २०७७ असार २२ गते, ०९:५६ मा प्रकाशित

सुर्खेत – कर्णाली प्रदेशमा थप ९ जनामा कोरोना भाइरसको संक्रमण देखिएको छ । गएराति जिल्ला अस्पताल दैलेखमा गरिएको परीक्षणमा ८ जना र राष्ट्रिय जनस्वास्थ्य प्रयोशाला काठमाडौँमा गरिएको परीक्षणमा १ जना गरी ९ जनामा कोरोना भाइरसको संक्रमण देखिएको हो ।

योसँगै कर्णालीमा कुल संक्रमितको संख्या १४ सय ९८ पुगेको प्रदेश सरकार सामाजिक विकास मन्त्रालय स्वास्थ्य सेवा महाशाखा प्रमुख डाक्टर लक्ष्मीनारायण तिवारीले जानकारी दिए ।

३० जना डिस्चार्ज

गएको आइतबार थप ३० जना कोरोना संक्रमित उपचार पछि डिस्चार्ज भएका छन् । कर्णाली प्रदेश अस्पताल सुर्खेतबाट १३ जना, सल्यान अस्पतालबाट ५ जना, मेहलकुना अस्पताल सुर्खेतबाट ३ जना, गुर्वाकोट आइसोलेसन सुर्खेतबाट ३ जना र कालिकोट अस्प्तालबाट २ जना उपचार पछि डिस्चार्ज भएका हुन ।

योसँगै हालसम्म १ हजार २ सय ३१ जना डिस्चार्ज भएको डाक्टर तिवारीको भनाइ छ । हाल प्रदेशका विभिन्न अस्पताल तथा आइसोलेसनमा २ सय ६१ जना उपचाररत रहेको उनको जनाए ।