स्वास्थ्य चौकी लाटीकोइलीमा विशेषज्ञ सेवासहित् इसिजी र भिडियो एक्स-रे सेवा सुरु

सुर्खेत – वीरेन्द्रगर नगरपालिका वडा नं. ९स्थित लाटीकोइली स्वास्थ्य चौकीमा विशेषज्ञसहित् इसिजि र भिडियो एक्सरे सेवा शुभारम्भ भएको छ । कर्णाली प्रदेश राजधानी वीरेन्द्रनगरको दक्षिण तर्फ अवस्थित सबैभन्दा धेरै जनसंख्या रहेको वडामा मङ्गलबार एक कार्यक्रमकाबीच  उक्त सेवा शुभारम्भ गरिएको हो ।

उक्त सेवा सुचारु भएसँगै यस क्षेत्रका स्थानीयहरु थप उपचारका लागि प्रदेश अस्पताल जानु पर्ने बाध्यता हट्ने भएको छ ।

हाल हाडजोर्नी विशेषज्ञ डाक्टर शुभ श्रेष्ठ, स्त्री रोग विशेषज्ञ डाक्टर कृतिका थापा र रेडियोलोजिष्ट विशेषज्ञ डाक्टर डिबि गुरुडले प्रत्येक हप्ता निशुल्क सेवा दिने र निकट भविष्यमा नै जनरल फिजिशियन र छाला रोग विशेषज्ञद्वारा सेवा प्रदान गर्ने वडा नं. ९ कावडा अध्यक्ष सुरेश मानन्धरले जानकारी दिए ।

कार्यक्रममा नि:शुल्क चिकित्सकिय सेवा प्रदान गर्नु हुने स्त्री रोग विषेशज्ञ डा. कृतिका थापालाई सम्मान समेत गरिएको थियो ।