मुख्यमन्त्रीको पहलमा कालीकोटबाट सुत्केरीको उद्धार

सुर्खेत-कर्णाली प्रदेशका मुख्यमन्त्री महेन्द्रबहादुर शाहीको पहलमा कालिकोटबाट सुत्केरीको उद्धार भएको छ । सुत्केरी व्यथाले सिकिस्त रत्ना शाहीको  नेपाली सेनाको हेलिकोप्टरबाट उद्धार गरिएको हो ।

३ दिनदेखि सुत्केरी व्यथा लागेकी राँस्कोट नगरपालिका वडा नं. १ छिपखाना निवासी शाही सहज सुत्केरी हुन नसकी खतराको लक्षण देखिएपछि उद्धार गरिएको मुख्यमन्त्रीका प्रमुख स्वकीय सचिव खेमवहादुर सिंहले जानकारी दिए ।

उद्धार गरिएकी शाहीको थप उपचार प्रदेश अस्पताल सुर्खेतमा गरिने बताइएको छ ।