वीरेन्द्रनगर—सल्यानको कुमाख गाउँपालिका स्वास्थ्य तथा सामाजिक विकास शाखाको आयोजनामा प्रजनन तथा स्तन स्वास्थ्य सम्बन्धी निःशुल्क स्वास्थ्य शिविर सञ्चालन हुने भएको छ । गाउँपालिकाले स्वास्थ्य समस्या भएका महिलाहरूलाई लक्षित गरी शिविर सञ्चालन गर्न लागिएको हो ।
शिविर २६ फागुन २०८१ मा आयुष्मत स्वास्थ्य सेवा केन्द्र, नेटा, कुमाख गाउँपालिका–२, सल्यानमा बिहान १० बजेदेखि बेलुका ४ बजेसम्म सञ्चालन हुनेछ ।
शिविरमा स्तन क्यान्सर जाँच, अण्डाशयको समस्या परीक्षण, महिलाहरूको तल्लो पेट दुखाइको परीक्षण, उपचार तथा परामर्श सेवाका साथै पाठेघरको मुखको क्यान्सर परीक्षण (भिआईए) विधिद्वारा जाँच प्रदान गरिने गाउाँपलिकाले जनाएको छ ।
गाउँपालिकाले स्वास्थ्य समस्या भएका महिलाहरूलाई सो समयमा उपस्थित भई निःशुल्क सेवा लिन आग्रह गरेको छ।
