मनिसाँघुमा हिमानीद्वारा १ करोड ५० लाख लागतमा बन्ने बर्थिङ सेन्टर शिलान्यास

जुम्ला—गुठीचौर गाउँपालिका—१ मणिसाँघुमा हिमानी ट्रष्टले बर्थिङ सेन्टर बनाउनका लागि भवनको शिलान्याश गरेको छ । आइतबार जुम्लामा पूर्व युवराज्ञी हिमानी शाहले बर्थिङ सेन्टरको शिलान्यास गरेकी हुन् ।

उनीसँगै छोरा हृदयन्द्र पनि सहभागी थिए । आइतबार सेन्टरको शिलान्यास भएपनि उनीहरु शनिबार नै जुम्ला आएका हुन् ।

सांसद ज्ञानेन्द्र शाही पनि शिलान्यास कार्यक्रममा सहभागी थिए । एक करोड ५० लाख बजेटमा आवासीय बर्थिङ सेन्टरको भवन निर्माण हुन थालेको हो । बर्थिङ सेन्टरका लागि लेखक महताराले निःशुल्क जग्गादान गरेका छन् ।