सुर्खेतमा सर्पले टोकेर एक जनाको मृत्यु

वीरेन्द्रनगर—सर्पले टोकेर एक जनाको मृत्यु भएको छ । सुर्खेत चौकुने गाउँपालिका—१० चालिखेका ५८ वर्षीय देउमा कामीको सर्पले टोकेर मृत्यु भएको हो ।

बुधबार बिहान कामीले भाँडा माझ्ने क्रममा दायाँ हातको चोर औलामा सर्पले टोकेर मृत्यु भएको जिल्ला प्रहरी कार्यालय सुर्खेतले जनाएको छ ।

कामीको उपचारको क्रममा कर्णाली प्रदेश अस्पताल कालागाउ सुर्खेतमा ल्याइएको र डाक्टरले चेक जाँच गर्ने क्रममा मृत घोषणा गरेको प्रहरीले जनाएको छ ।