‘काेराेना नियन्त्रणका लागि देशभरका स्वास्थ्य संस्था सक्रिय छन्’

काठमाडौं – विश्वभर महामारीको रुपमा फैलिएको कोरोनाको संक्रमण भित्रिन नदिन सरकार विशेष तयारीमा लागेको स्वास्थ्य तथा जनसंख्या मन्त्री भानुभक्त ढकालले बताएका छन्। आइतबार राष्ट्रिय सभामा बसेको वैठकमा बोल्दै उनले सरकार कोरोना नियन्त्रणको पुर्व तयारीमा लागिरहेको जनाएका हुन्।

उनले विश्व स्वास्थ्य स्ंगठन (डब्लुएचओ)को सुझाब अन्तर्गत नै सरकारले तयारी थालेको र नेपाल सरकारको तयारीको प्रशंसा भईरहेको उनको भनाई छ । सरकार पुर्वतयारीमा लाग्ने क्रममा कुनै व्यक्ति माथि संक्रमण देखिएमा संक्रमितको विशेष उपचार गरिने व्यवस्था भएको उनले बताए।

देशभर नै काेराेना संकेमण हुन नदिन देशभरका स्वास्थ्य संस्था सक्रिय रहेको उनको जनाए। उक्त वैठकमा बोल्दै उनले भने, ‘कोरोना भाइरस संक्रमितको लागि उपत्यकामा ३ वटा अस्पतालको व्यवस्था गरिएको छ। सो अस्पतालमा संक्रमितको मात्रै उपचार गरिनेछ।’

 उनले विमानस्थल देखि नेपालसँग सीमा जोडिएका चीन र भारतका नाकाहरुमा कोरोना जाँचको व्यवस्था गरिएको समेत जनाए।