छात्रवृत्तिमा पढेका चिकित्सकलाई कोरोना नियन्त्रणमा खटाउने सरकारको निर्णय

काठमाडौं–स्वास्थ्य तथा जनसंख्या मन्त्रालयले विश्वव्यापी महामारीको रुपमा फैलिएको कोरोना भाइरस (कोभिड-१९ ) नियन्त्रणमा सहयोग गर्न अब छात्रवृत्तिमा पढेका चिकित्सकलाई खटाउने निर्णय गरेको छ ।

कोभिड–१९ को नेपालमा भइरहेको तयारी तथा उपचार प्रक्रिया प्रभावकारी बनाउन मन्त्रालयले छात्रवृत्तिमा पढेका चिकित्सकलाई नियन्त्रण तथा रोकथाम सहयोगको निम्ति खटाउने निर्णय गरेको हो ।

जनशक्ति व्यवस्थापन गर्न मन्त्रालयले प्रत्येक प्रदेश सरकारहरूलाई निर्देशन दिएको छ। आइतबार जनशक्ति व्यवस्थापनको निम्ति पत्र पठाउँदैं मन्त्रालयले सो निर्णय लिएको हो । नियन्त्रणमा खटिने चिकित्सकले एमबीबीएस र एमडी-एमएस शैक्षिक योग्यता हासिल गरेको हुनुपर्ने पत्रमा उल्लेख गरिएको छ ।

यसका साथै सरकारले मेडिकल कलेजहरुमा छात्रवृत्तिमा एमबीबीएस अध्ययनरत विद्यार्थीलाई समेत परिचालित गर्न सरकारले आग्रह गरेको छ ।

यस्तो छ प्रदेशहरूलाई पठाइएको पत्रः