सरकारद्वारा कोरोना भाइरस (कोभिड-१९) विरुद्ध कार्यका लागि ५० कराेडकाे राहत काेष स्थापना

काठमाडौं-सरकारले कोरोना भाइरस (कोभिड १९) को निगरानी र रोकथामका लागि एक सातालाई दुवै छिमेकी चीन र भारतका नाका बन्द गर्ने निर्णय गरेको छ ।

आइतबार साँझ बसेको मन्त्रिपरिषद बैठकले सो निर्णय गरेको हो । मन्त्रिपरिषद् बैठकले कोरोना उपचारका लागि आवश्यक उपकरण तथा औषधीजन्य सामाग्री र उपचारका लागि सहज गर्न केन्द्रिय राहत कोषको पनि घोषणा गरेको छ ।

सरकारको तर्फबाट ५० करोड रुपैयाँ राखेर सुरु गरिएको सो कोषमा प्रधानमन्त्री तथा मन्त्रीहरुले एक महिनाको तलव जम्मा गर्ने निर्णय गरेका छन् । सो कोषमा सबैलाई सहयोग गर्न समेत आव्हान गरिएको छ ।