२०८३ मंसिर १, मंगलवार
Health Aawaj logo
गृहपृष्ठ ∕ समाचार ∕ टेकुमा उपचाररत शंकास्पद एक बिरामीमा कोरोना ‘पोजेटिभ’

टेकुमा उपचाररत शंकास्पद एक बिरामीमा कोरोना ‘पोजेटिभ’


काठमाडौं—टेकुस्थित शुक्रबार ट्रपिकल तथा सरुवा रोग अस्पतालमा उपचाररत एक १९ वर्षीया शंकास्पद विरामीमा कोरोना पोजेटिभ देखिएको छ । टेकुमा उपचाररत ती १९ वर्षीया नेपाली किशोरी फ्रान्सबाट कतार हुँदै काठमाडौं आएकी हुन् ।

४ चैतमा काठमाडौं आइपुगेकी उनलाई शंकास्पद कोरोना लक्षण देखिएपछि क्वारेन्टाइनमा राखिएको थियो । क्ववारेन्टाइनमा राखेर उनको स्वाब परीक्षण गर्दा आइतबार उनमा कोरोना संक्रमण पोजेटिभ देखिएको स्वास्थ्य तथा जनसंख्या मन्त्री भानुभक्त ढकालले बताए ।

अहिले उनको टेकु अस्पतालको आइसोलेसनमा उपचार भैरहेको मन्त्री ढकालले बताए । सोमबार मन्त्रालयमा आकस्मिक पत्रकार सम्मेलन गरेर  मन्त्री ढकालले  थप एक जनामा कोरोनामा ‘पोजेटिभ’ देखिएको जानकारी गराएका हुन् ।

मन्त्री ढकालले किशोरीसँगको सम्पर्कमा आएका व्यक्तिलाई पनि क्ववारेन्टाइनमा राखिएको र विमानमा सँगै आएकालाई ट्रयाक गरेर क्वारेन्टाइनमा राखिने समेत बताए ।

नेपालमा कोरोना संक्रमण पुष्टि भएको यो दोश्रो केस हो। यसअघि पनि गत माघ १० चीनको वुहानबाट फकिर्एका एक नेपालीमा संक्रमण पुष्टि भएकोथियो। उनी उपचार पछि पुन: स्वस्थ भएर सामान्य जीवन विताईरहेका छन्।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ