अभियान सुरु नभएका पालिका र वडामा दादुरा—रुबेला खोप स्थगन

काठमाडौं—दोस्रो चरणको राष्ट्रिय दादुरा—रुबेला खोप अभियान सुरु नभएका पालिका, वडा र स्वास्थ्य संस्थाहरुको खोप अभियान चैत मसान्तसम्मका लागि स्थगन भएको छ ।

सोमबार स्वास्थ्य मन्त्रालयले जारी गरेको विज्ञप्तिमा विश्वभर फैलिएको कोरोना भाइरस (कोभिड—१९) को संक्रमणको सम्भावित जोखिम न्यूनीकरणका लागि सुरु नभएका ठाउँमा खोप अभियान स्थगित गरिएको जनाइएको छ ।

सन्चालनमा भैरहेका पालिका र वडाहरुमा पूर्व योजनाअनुसार नै खोप अभियान सम्पन्न गर्ने तर त्यसरी खोप अभियान जारी राख्दा भिडभाड हुने नदिने व्यवस्था मिलाउन भनिएको छ ।

साथै, मन्त्रालयले खोप अभियानको खोप तथा कोल्ड चेन सामाग्रीलाई जिल्लाले सुरक्षित भण्डार गर्ने व्यवस्था गर्न समेत निर्देशन दिएको छ ।