मिडियामा बोल्ने स्वास्थ्यकर्मीलाई स्पष्टिकरण, चित्त बुझ्दो जवाफ नपठाए कारवाही गर्ने चेतावनी

विराटनगर – स्वास्थ्यकर्मी तथा चिकित्सकहरुले ‘कोभिड–१९’ (कोरोना भाइरस)का बिरामीको उपचारमा खटिनका लागि व्यक्तिगत सुरक्षा सामग्री र परीक्षणका लागि उपकरणकाे माग राख्दा विराटनगरस्थित काेशी अस्पतालले स्पष्टिकरण मागेको छ । आन्दोलनमा उत्रेका आधा दर्जन स्वास्थ्यकर्मीलाई अस्पतालले विहिबार पत्र काटेर स्पष्टिकरण मागेको हाे ।

अस्पतालका मेट्रो प्रमुख मन्जु यादवले पत्र काटेकी हुन् । चित्त बुझ्दो जवाफ नपठाई स्वास्थ्यकर्मीलाई प्रचलित एन अनुसार कारवाही  गर्ने चेतवनि पनि दिएकाे छ । कोशी अस्पतालमा कार्यरत स्वास्थ्कर्मीहरु ‘कोभिड–१९’ का शंकास्पद बिरामी उपचारमा र आइसोलेसनमा खटिँदा व्यक्तिगत सुरक्षात्मक सामग्री नभएको भन्दै बुधबार आन्दोलनमा उत्रेका थिए ।

उनीहरुले बिरामीको उपचारमा खटिँदा अस्पताल प्रशासनले एउटा मास्कसम्म उपलब्ध गराउन नसकेको अवस्थामा काम गर्न नसकिने भन्दै आन्दोलनमा उत्रेका थिए ।