वीर अस्पतालद्धारा फोनबाटै विशेषज्ञ परामर्श र टोल फ्री सेवा सुरु

काठमाडौं-चिकित्सा विज्ञान राष्ट्रिय प्रतिष्ठान (न्याम्स) वीर अस्पतालले फोनबाटैं विशेषज्ञ सेवा दिने भएको छ । कोभिड–१९ को सम्भावित जोखिमलाई न्यूनीकरण गर्न सरकारले मुलुक लकडाउन गरेसँगै वीरले मोबाइल फोनबाटै विशेषज्ञ सेवा दिने भएको हो ।

त्यसका लागि अस्पतालले विभिन्न सेवासँग सम्बन्धित विशेषज्ञहरुको मोबाइल नम्बर सर्वसाधारणका लागि सार्वजनिक गरेको हो । ‘यस अस्पतालमा उपचार गराइरहेको तथा अन्य विरामीहरुले स्वास्थ्य सम्बन्धि परामर्श लिन परेमा निम्नलिखित सम्बन्धित विशेषज्ञसँग फोनमा सम्पर्क गरी परामर्श सेवा तथा जानकारी लिनुहुन अनुरोध छ,’ वीर अस्पतालले सूचनामा भनेको छ ।

यस्तै, अस्पतालले बिरामीका लागि घरबाटै परामर्श लिन १६६००१०२००० टोल फ्री नम्बर पनि सार्वजनिक गरेको छ ।