२०८१ असार १, शुक्रबार
Health Aawaj logo
गृहपृष्ठसमाचारपाटन अस्पतालले अन्यदेशसँग प्राविधिक सल्लाह गर्ने

पाटन अस्पतालले अन्यदेशसँग प्राविधिक सल्लाह गर्ने


काठमाडौँ – स्वास्थ्य तथा जनसंख्या मन्त्रालयले ललितपुरको पाटन स्वास्थ्य विज्ञान प्रतिष्ठानलाई कोरोना भाइरस (कोभिड १९) सम्बन्धि प्राविधिक सल्लाह लिन ठाउँको रुपमा प्रयोग गर्ने निर्णय गरेको छ । मत्रालयका प्रवक्ता डा. विकास देवकोटाले चीनसँग आधुनिक संचार प्रविधिको प्रयोग गरी कोभिड १९ का सम्बन्धमा आइपरेका समस्या समाधान गर्न प्राविधिक सल्लाह गर्न सहजताको लागि पाटन अस्पताललाई तोकिएको जानकारी दिए ।

मन्त्रालयले सचिवस्तरिय निर्णयबाट उक्त अस्पताललाई प्राविधिक सल्लाह गर्नका लागि तोकिएको हो । चीनले पनि नेपालसंग कोरोना भाइरससँगसम्बन्धित समस्या समाधान गर्नका लागि एक संस्थालाई पाटनजस्तै प्राविधिक सल्लाहको लागि तोक्ने छ ।

चीन सरकारसंग विभिन्न सहयोग र सहकार्यका सन्र्दभ चीन सरकारका राजदूत, सचिव, परराष्ट मन्त्रालय तथा प्रमुख विशेषज्ञ स्वास्थ्य तथा जनसंख्या मन्त्रालय सहितको उपस्थितिमा भएको छलफलमा पाटन अस्पताललाई स्वास्थ्य समस्या समाधान गर्न आधुनिक संचार प्रविधिको प्रयोग गर्ने निर्णय भएको मन्त्रालयका प्रवक्ता डा देवकोटाले जानकारी दिए ।

उनले पाटन अस्पतालले चीन सहित अन्य छिमेकी देशका स्वास्थ्य विज्ञसंग कोभिड १९ को बारेमा आवश्यक परामर्श गर्न टेलिकन्फेरेन्स गर्ने बताए । उनका अनुसार अहिलेसम्म १ हजार ६० को नमुना परीक्षण गरिएको छ । अहिले टेकुस्थित शुक्रराज ट्रपिकल तथा सरुवा रोग अस्पतालमा १० र सातवटै प्रदेश अस्पतालमा ७७ जना आइसोलेसनमा रहेका छन ।

 


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ