२०८१ असार ८, शुक्रबार
Health Aawaj logo
गृहपृष्ठसमाचारपाेखरामा कोरोना संक्रमण ‘पाेजेटीभ’ पुष्टि भएको छैन : मन्त्रालय

पाेखरामा कोरोना संक्रमण ‘पाेजेटीभ’ पुष्टि भएको छैन : मन्त्रालय


काठमाडौं- स्वास्थ्य तथा जनसंख्या मन्त्रालयले पाेखरामा कुनै शंकास्पद केसमा कोरोना संक्रमण ‘पाेजेटीभ’ पुष्टि नभएकाे बताएको छ। शुक्रबार मन्त्रालयको निमयित व्रिफिंगमा मन्त्रालयका प्रबक्ता डा. विकास देवकोटाले पोखराको कास्कीमा कोरोना संक्रमण पाइएको हल्ला भए पनि अहिलेसम्म पाेखरामा संक्रमण पुष्टि नभएको जानकारी दिएका हुन।
प्रबक्ता डा. देवकोटाले भने, ‘कुनै केस शंकास्पद भए पटक-पटक जाँच गरिन्छ अहिलेसम्म कुनै केस पुष्टि भएको छैन।’ यससँगै उनले कोरोना संक्रमित ५ जनाको अबस्था सामान्य रहेको बताएका छन् । उनको अनुसार शुक्रबार देशभर गरेर १ सय भन्दा बढी केस जाँच भएको र हालसम्म १ सय २० जना आइसोलेसनमा रहेका छन्। कैलाली र कन्चनपुरकाे क्वारेनटाईनमा रहेका ९२ जनाकाे स्वाव जाँचकाे लागि टेष्ट गरीएकाे र १ सय ७ जना रेड जोनमा रहेको उनले जानकारी दिएका छन् ।
यसको साथै उनले कोभिड संक्रमणबारे ३ हजार ५ सय २ वटा कल सेन्टरमा जिज्ञासा र ५६ हजार ६ सय २६ जनाले एपमा सम्पर्क गरेको बताए । कतिपय एपले सहि जानकारी नदिएको जनताको गुनासो आएको उनले जनाए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ