२०८१ असार ११, सोमबार
Health Aawaj logo
गृहपृष्ठसमाचारझापाका एक जनामा कोभिड-१९ पोजेटिभ, संक्रमितको संख्या ४९ पुग्यो

झापाका एक जनामा कोभिड-१९ पोजेटिभ, संक्रमितको संख्या ४९ पुग्यो


काठमाडौं-झापाका एक जनामा कोभिड-१९ पोजेटिभ देखिएको छ । शुक्रबार धरानस्थित विपी कोइराला स्वास्थ्य विज्ञान प्रतिष्ठानको पीसीआर ल्याबमा थ्रोट स्वाब परीक्षण गर्दा उनमा कोभिड १९ पोजेटिभ देखिएको हो ।

उनको बाहिरबाट आएको ट्राभल हिस्ट्री रहेको छ । उनी विदेशबाट नेपाल आएका हुन् । स्वास्थ्य मन्त्रालयका सह प्रवक्ता डा. समीरकुमार अधिकारीकाअनुसार विपी प्रतिष्ठानको प्रयोगशालामा कोभिड-१९ पोजेटिभ देखिएका व्यक्ति झापाका ६२ वर्षका पुरुष हुन् ।

अधिकारीले उनी हाल अस्पतालको आइसोलेसनमा रहेको र उनको स्वास्थ्य अवस्था सामान्य रहेको जानकारी दिए ।

यससँगै नेपालमा कोभिड १९ संक्रमितको संख्या ४९ पुगेको छ । जसमध्ये ३९ जना विभिन्न अस्पतालमा उपचारमा रहेका छन् भने १० जना उपचारपश्चात निको भएर घर फर्किसकेका छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ