काठमाडौं—नेपालमा कोरोना भाइरस (कोभिड—१९) संक्रमित ५९ जनामध्ये अधिकांश युवाहरु छन् । स्वास्थ्य मन्त्रालयका अनुसार २१ देखि ३० वर्ष उमेर समूहका संक्रमित नेपालमा बढी छन् । तर, बाहिरी देशमा भने संक्रमितमध्ये ५० वर्ष भन्दा माथिका धेरै छन् ।
नेपाली चिकित्सकहरुका अनुसार नेपालमा काम गर्ने उमेर समूहका युवामा बढी देखिएको हो । उनीहरु दैनिक मजदुरीका लागि घर बाहिर जाने भएकाले संक्रमणको जोखिममा परेका हुन् । कोभिड—१९ संक्रमितको उपचारमा पहिलो दिनदेखि खटिएका केन्द्रीय सरुवा रोग अस्पताल टेकुका डा.अनुप बास्तोला युवाहरु काम गर्न घर बाहिर वा विदेशमा जाने भएकाले उनीहरुमा संक्रमण बढी देखिएको हो । तर, समुदायमा फैलिएको खण्डमा भने वृद्धवृद्धा अर्थात ५० वर्ष भन्दा माथि उमेर समूहका बढी देखिने छन् ।
नेपालमा शुक्रबार रुपन्देही र नेपालगञ्जमा दुई संक्रमित थपिएसँगै कोभिड—१९ संक्रमितको संख्या ५९ पुगेको छ । जसमध्ये २१ देखि ३० वर्ष उमेरका १५ जना रहेका छन् । चीनमा ५० देखि ५९ वर्ष उमेर समूहका धेरै छन् । सो उमेर समूहका २२ प्रतिशतमा संक्रमण देखिएको छ । इटालीमा ७० वर्ष उमेर समूह माथि बढी संक्रमित छन् । त्यस्तै अमेरिकामा ८५ वर्ष माथिमा बढी संक्रमण देखिएको छ ।
स्वास्थ्य मन्त्रालयका अनुसार ती देशहरुमा कोभिड—१९ संक्रमण समुदायमा फैलिएका कारण बढी उमेर समूहका मानिसहरुमा धेरै संक्रमण फैलिएको हो । डा. बास्तोला भन्छन्, ‘नेपालमा हालसम्म समुदायमा कोभिड—१९ संक्रमण फैलिएको छैन । यदि यहाँ पनि संक्रमण समुदायमा फैलिएको खण्डमा युवा भन्दा वद्धावृद्धामा बढी देखिने छ ।’ नेपालीहरुको औसत आयु ७१ वर्ष रहेको छ । ५० वर्ष भन्दामाथि उमेर समूहका नागरिक यो रोगबाट जोखिममा पर्ने देखिएको चिकित्सकहरु बताउँछन् । नेपालमा संक्रमित हुनेहरु पनि अहिले पुरुष बढी छन् । अधिकांश काम गर्ने उमेरका युवा मजदुरीका लागि भारत गएका छन् । लकडाउनपछि उनीहरु ठूलो संख्यामा नेपाल प्रवेश गरेका संक्रमितको संख्या बढ्ने अनुमान लगाइएको छ ।
६० हजार ३ सय ७४ जनाको नमूना परीक्षण
कोरोना आशंकामा हालसम्म ६० हजार बढीको नमुना परीक्षण गरिएको छ । स्वास्थ्य मन्त्रालयका प्रवक्ता डा. विकास देवकोटाका अनुसार शुक्रबारसम्म ६० हजार ३ सय ७४ नमुना परिक्षण गरिएको छ । पछिल्लो २४ घण्टामा १ हजार ४ सय ६१ नमुना परीक्षण भएको छ । १२ हजार ५ सय ७७ जनाको पिसिआर र ४७ हजार ७ सय ९७ जनाको आरडिटीबाट परीक्षण भएको छ ।
हाल देशभर २४ हजार ९ सय ७ जना क्वारेन्टाइनमा छन् । प्रदेश १ मा २ हजार ८ सय ७७, प्रदेश २ मा १ हजार ३ सय ३२, बागमतीमा ५ सय ३८, गण्डकीमा ७ सय ८, प्रदेश ५ मा १२ हजार १ सय ६३, कर्णालीमा ३ हजार ७ सय २४ र सुदूरपश्चिममा ३ हजार ५ सय ६५ जना क्वारेन्टाइनमा छन् ।
नेपालमा उमेर अनुसार संक्रमण
११ — २० ८
२१ — ३० १५
३१ — ४० १२
४१ — ५० ९
५१ — ६० ८
६१ — ७० ५
७१ — ८० १
८१ + १
कोभिड १९ पुष्टि कहिले कहिले भयो
माघ ९ गते १
चैत्र ९ गते १
चैत्र १२ गते २
चैत्र १५ गते १
चैत्र २० गते २
चैत्र २२ गते २
चैत्र २५ गते १
चैत्र ३० गते १
बैशाख २ गते ५
बैशाख ५ गते १५
बैशाख ९ गते ११
बैशाख १० गते ४
बैशाख ११ गते २
बैशाख १२ गते १
बैशाख १३ गते २
बैशाख १४ गते १
बैशाख १६ गते २
बैशाख १७ गते ३
बैशाख १९ गते २