२०८१ जेठ ३१, बिहीबार
Health Aawaj logo
गृहपृष्ठसमाचारअंग प्रत्यारोपण केन्द्रमा स्वास्थ्य सेवा बाहिरबाट कार्यकारी निर्देशक बनाइएको भन्दैं गोदानको आपत्ति

अंग प्रत्यारोपण केन्द्रमा स्वास्थ्य सेवा बाहिरबाट कार्यकारी निर्देशक बनाइएको भन्दैं गोदानको आपत्ति


काठमाडौं-सरकारले धर्मभक्त मानव अंग प्रत्यारोपण केन्द्रमा स्वास्थ्य सेवाको चिकित्सकभन्दा बाहिरका चिकित्सकलाई कार्यकारी निर्देशक बनाएको भन्दै सरकारी चिकित्सक संघ (गोदान)ले विरोध जनाएको छ ।

संघले आइतबार विज्ञप्ती जारी गर्दै स्वास्थ्य सेवाका चिकित्सकहरुको मनोबल गिर्ने गरी गरिएको नियुक्ति कानुन विपरीत रहेको र तत्काल सच्याउन माग गरेको छ ।

गत बिहिवार बसेको मन्त्रिपरिषद बैठकले त्रिवि चिकित्सा शास्त्र अध्ययन संस्थानका प्राध्यापक डा प्रेमराज ज्ञवालीलाई चार वर्षको लागि कार्यकारी निर्देशकमा नियुक्त गरेको थियो ।

यसअघि २१ बैशाखमा बसेको मन्त्रिपरिषद बैठकले धर्मभक्त मानव अंग प्रत्यारोपण केन्द्र विकास समितिको कार्यकारी निर्देशक हुन मानव अंग प्रत्यारोपण सम्बन्धी क्षेत्रमा कार्यरत स्वास्थ्य सेवाको चिकित्सक हुनुपर्ने व्यवस्थालाई हटाएर मानव अंग प्रत्यारोपण सम्बन्धी क्षेत्रमा कार्यरत स्वास्थ्य सेवा या जुनसुकै संस्थानमा कार्यरत चिकित्सक हुनसक्ने निर्णय गरेको थियो ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ