एकैदिन थप १० जनामा देखियो कोरोना पोजेटिभ, संक्रमितको संख्या १२० पुग्यो

काठमाडौं-एकैदिन थप १० जनामा कोरोना भाइरस (कोभिड-१९) पोजेटिभ देखिएको छ । स्वास्थ्य तथा जनसंख्या मन्त्रालयकाअनुसार सोमबार एकैदिन थप १० जनामा कोरोना पोजेटिभ पुष्टी भएको हो ।

राष्टिय जनस्वास्वास्थ्य प्रयोगशालामा गरिएको परीक्षणमा कपिलवस्तुका १० जनाका कोरोना देखिएको हो । उनीहरु यशोधरा गाउँपालिका-०५ र वुद्धभूमी नगरपालिका- ७ र १० का रहेका छन् ।

नयाँ संक्रमितहरू सबै पुरूष रहेको स्वास्थ्य तथा जनसंख्या मन्त्रालयका सह प्रवक्ता डा. समिरकुमार अधिकारीले बताए । उनकाअनुसार संक्रमितहरु १८, १९, २०, २०, २४, ३०, ३१ र ३४ वर्षीय पुरुष रहेका छन् । एक जना पुरुषको भने उमेर खुल्न सकेको छैन् ।
प्रवक्ता अधिकारीकाअनुसार संक्रमितहरुको स्वास्थ्य सामान्य रहेको छ भने उनीहरु स्वास्थ्यकर्मीको सम्पर्कमा रहेका छन् ।
सोमबार मात्रै थप १० जना कोभिड १९ संक्रमित थपिएसँगै नेपालमा कोभिड १९ संक्रमितको संख्या १ सय २० पुगेको छ ।