बाँके र कपिलवस्तुमा एक—एक जना कोरोना संक्रमित थपिए, संक्रमितको संख्या २१९ पुग्यो

काठमाडौं—बाँके र कपिलवस्तुमा एक—एक जना कोरोना भाइरस (कोभिड—१९) संक्रमित थपिएका छन् । स्वास्थ्य तथा जनसंख्या मन्त्रालयले बुधबार बाँके र कपिलवस्तुमा थप दुई जना कोरोना संक्रमित थपिएको पुष्टी गरेको छ ।

धुलिखेल अस्पतालको पिसीआर ल्याबमा परीक्षण गर्दा बाँकेको नेपालगन्ज—८ का ३६ वर्षीय पुरुषमा कोरोना पोजेटिभ देखिएको छ ।

यस्तै, काठमाडौंस्थित राष्ट्रिय जनस्वास्थ्य प्रयोगशालामा गरिएको परीक्षणमा कपिलवस्तु—५ का २२ वर्षीय पुरुषमा पनि कोरोना पोजेटिभ पुष्टी भएको छ ।

स्वास्थ्य मन्त्रालयका प्रवक्ता डा. समिरकुमार अधिकारीले दुवै संक्रमितको अवस्था सामान्य रहेको र उनी दुवै स्वास्थ्यकर्मीको सम्पर्कमा रहेको जानकारी दिए ।

यसँसँगै नेपालमा कोभिड १९ संक्रमितको संख्या २१९ पुगेको छ ।