काठमाडौं उपत्यकामा १३ कोरोना संक्रमितको उपचार हुँदैं

काठमाडौं—काठमाडौंका विभिन्न अस्पतालहरुका कोरोना भाइरस (कोभिड—१९) का १३ जना संक्रमितको उपचार भैरहेको छ । नेपालभर कोरोना संक्रमितको संख्या बढेसँगै काठमाडौंका अस्पतालहरुमा पनि कोरोना संक्रमणपछि उपचार गराउनेहरु बढेका हुन् ।

आइतबारसम्मको तथ्यांकअनुसार काठमाडौं उपत्यकाका अस्पतालका आइसोलेसनहरूमा १३ जना कोरोना संक्रमित उपचार गराइरहेका छन् । टेकुस्थित शुक्रबार ट्रपिकल तथा सरुवा रोग अस्पतालमा ५ जनाको उपचार भैरहेको छ ।

ललितपुरको पाटनस्थित पाटन अस्पतालको आइसोलेसनमा ४ जना कोरोना संक्रमितहरु उपचार गराइरहेका छन् । महाराजगन्जस्थित त्रिवि शिक्षण अस्पतालमा २ जना कोरोना संक्रमितको उपचार भैरहेको छ ।

सशस्त्र प्रहरी बलको बलम्बुस्थित अस्पतालमा २ जना कोरोना संक्रमित उपचाररत छन् ।