२०८१ असार २, शनिबार
Health Aawaj logo
गृहपृष्ठसमाचारकिटले काेराेना पोजेटिभ देखाएका काठमाडौं महानगरका ३१ जना कर्मचारीकाे ल्याबमा रिपोर्ट नेगेटिभ

किटले काेराेना पोजेटिभ देखाएका काठमाडौं महानगरका ३१ जना कर्मचारीकाे ल्याबमा रिपोर्ट नेगेटिभ


काठमाडौं—शुक्रबार आरडिटी परीक्षणमा कोभिड—१९ पोजेटिभ देखिएका काठमाडौं महानगरपालिकाका ३१ जना कर्मचारीहरुको पिसिआर रिपोर्ट नेगेटिभ आएको छ । इपिडिमियोलोजी तथा रोग नियन्त्रण महाशाखा महानगरमा कार्यरत ६ सय ६४ जनाको आरडिटी परीक्षण गरेको थियो ।

त्यसमध्ये ३१ जनामा आरडिटी पोजेटिभ देखिएको थियो । पोजेटिभ देखिएकामध्ये ३० जनामा एक्टीभ एन्टीबडी (आईजीएम) र १ जनामा प्यासीभ एन्टीबडी (आईजीजी) देखिएको थियो । आरडिटीमा पोजेटिभ देखिएका सबैको राष्ट्रिय जनस्वास्थ्य प्रयोगशालामा पिसिआर जाँच गर्दा नेगेटिभ आएको इपिडिमियोलोजी तथा रोग नियन्त्रण महाशाखाका प्रमुख डा. वासुदेव पाण्डेले बताए ।

सरकारले अहिले प्रयोग भएको आरडिटी किट उच्च गुणस्तरीय आएको र त्यसले सेन्सेटीभिटी पहिलेको भन्दा धेरै रहेको दावी गर्दै आएको छ । साथै, सो किटले एक्टीभ र प्यासीभ भाइरस पनि पत्ता लगाउने मन्त्रालयका अधिकारीहरु बताउँछन् ।

तर, काठमाडौं उपत्यकामा गरिएको आरडिटी परीक्षणमा त्यति धेरै पोजेटिभ आउँदा पिसिआरमा नेगेटिभ आएपछि किटको गुणस्तरीयता अध्ययन गर्नुपर्ने डा. पाण्डे बताउँछन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ