२०८३ मंसिर १, मंगलवार
Health Aawaj logo
गृहपृष्ठ ∕ समाचार ∕ कोरोनाबाट ज्यान गुमाएकी महिलाका १४ दिने शिशुमा कोरोना ‘नेगेटिभ’

कोरोनाबाट ज्यान गुमाएकी महिलाका १४ दिने शिशुमा कोरोना ‘नेगेटिभ’


काठमाडौं—धुलिखेल अस्पतालमा बिहीबार कोरोना भाइरस (कोभिड—१९) बाट ज्यान गुमाएकी २९ वर्षीया महिलाका १४ दिने शिशुमा कोरोना नेगेटिभ देखिएको छ । धुलिखेल अस्पतालको प्रयोगशालामा गरिएको परीक्षणमा शिशुमा कोरोना भाइरस नेगेटिभ देखिएको हो ।

धुलिखेल अस्पताल स्रोतकाअनुसार शिशुसहित उनको परिवारका ४ जना सदस्य सबैमा कोरोना रिपोर्ट नेगेटिभ आएको छ । अहिले उनीहरुसँगै धुलिखेल अस्पतालको आइसोलेसनमा रहेका छन् ।

बिहीबार श्वासप्रश्वासमा समस्या देखिएपछि उपचारकै क्रममा धुलिखेलमा मृत्यु भएकी ती महिलाले २४ बैशाखमा शिक्षण अस्पतालमा बच्चा जन्माएकी थिइन् । सामान्य डेलिभरी भएपछि अस्पतालबाट २५ बैशाखमा डिस्चार्ज भएकी उनी त्यसपछि बाह्रबिसेस्थित घर फर्किएकी थिइन् ।

तर, स्वास्थ्यमा समस्या देखिएपछि धुलिखेल अस्पतालमा उनको गत बिहीबार मृत्यु भएको थियो ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ