काठमाडौं नेपालमा थप ३० जनामा कोरोना भाइरस (कोभिड-१९) को संक्रमण पुष्टी भएको छ । स्वास्थ्य तथा जनसंख्या मन्त्रालयकाअनुसार शुक्रबार थप ३० जनामा कोरोना संक्रमण पुष्टि भएको हो । यससँगै नेपालमा संक्रमितको संख्या ४८७ पुगेको छ ।
राष्ट्रिय जनस्वास्थ्य प्रयोगशाला काठमाडौं र चितवनस्थित प्रयोगशालामा गरिएको परीक्षणमा थप ३० जनामा कोरोना पुष्टि भएको स्वास्थ्य मन्त्रालयका सहप्रवक्ता डा. समिरकुमार अधिकारीले बताए । उनकाअनुसार सर्लाहीको गोडैता नपा- ८, ९, ११, १३ र १४ तथा रामनगर बहुअर्वा गाउँपालिका निवासी १५ जनामा कोरोना संक्रमण देखिएको छ । जसमध्ये २२, २२, २४, २५, २५, २७, ३२, ३४, ३४, ३५, ३८, ३८, ३८, ३९ वर्षीय पुरुष र २८ वर्षीया महिला रहेका छन् ।
यस्तै, कपिलवस्तुको वाणगंगा र मायादेवी नगरपालिका-८ जनामा कोरोना संक्रमण पुष्टि भएको छ । जसमध्ये २४, २५, २७, २९, ३४, ३६, ४५, ५३ वर्षीय पुरुष र ८ वर्षीया पुरुष रहेका छन् ।
नवलपरासी वर्दघाट सुस्ता पूर्वका विनय त्रिवेणी गाउँपालिका-६ निवासी ४५ वर्षीय पुरुषमा कोरोना संक्रमण पुष्टि भएको छ । नवलपरासी सुस्ता गाउँपालिका-५ र रामग्राम नपा-३, १८ निवासी ३३ र ३५ वर्षीय पुरुष र १५ वर्षीया महिलामा कोरोना पोजेटिभ देखिएको छ ।
चितवनको भरतपुर नगरपालिका-६ केसरबाघ निवासी ७४ वर्षीय पुरुष र ७३ वर्षीय महिलामा पनि कोरोना पोजेटिभ देखिएको छ ।
