काठमाडौं—नेपालमा थप ७२ जनामा कोरोना भाइरस (कोभिड—१९) पोजेटिभ देखिएको छ । स्वास्थ्य तथा जनसंख्या मन्त्रालयकाअनुसार थप ७२ जनामा कोरोना पुष्टि भएको हो ।
राष्ट्रिय जनस्वास्थ्य प्रयोगशालामा गरिएको परीक्षणमा ३७ जनामा कोरोना संक्रमण पुष्टि भएको हो । धनुषाको नगराइन नपा—३ का ३ जनाका कोरोना संक्रमण देखिएको छ । यस्तै, कपिलवस्तुको शिवराज नपा—४,५, ६ का ३ जनामा कोरोना संक्रमण देखिएको छ ।
यस्तै, काठमाडौंको टोखा नगरपालिका ३ र ६ नंंम्बर वडा तथा बुढानिलकण्ठ नगरपालिकाको ३ नं. वडाका ३ जनामा कोरोना संक्रमण पुष्टि भएको स्वास्थ्य मन्त्रालयका सहप्रवक्ता डा. समिरकुमार अधिकारीले जानकारी दिए । उनकाअनुसार जनवास्थ्य प्रयोगशालामै गरिएको परीक्षणमा बाराको कलैया कोटवाली—१ का २ जनामा र रौतहटको राजपुर फरहदवा २, ६, ८ र इशनाथ २ का २६ जनामा कोरोना संक्रमण देखिएको हो ।
यस्तै, विपी कोइराला स्वास्थ्य विज्ञान प्रतिष्ठान धरानको प्रयोगशालामा गरिएको परीक्षणमा २ जनामा कोरोना संक्रमण देखिएको छ । सप्तरीको डाक्नेश्वरीको गापाका २ जनामा कोरोना संक्रमण देखिएको हो ।
राप्ती स्वास्थ्य विज्ञान प्रतिष्ठान दाङको प्रयोगशालामा गरिएको परीक्षणमा बाँके दुधवा गाउँपालिका २ र राप्ती सोनारी गाउँपापलिका ७ का ४ जना र बर्दिया बाँसगढी—९ का १ जनामा संक्रमण देखिएको हो ।
हेटौडास्थित प्रयोगशालामा गरिएको परीक्षणमा बाराका २१ जनामा कोरोना संक्रमण देखिएको छ । ती बाराका गढिमाई नगरपालिकाका रहेको स्वास्थ्य मन्त्रालयले जनाएको छ ।
यस्तै भेरी अस्पताल नेपालगन्जस्थित प्रयोगशालामा गरिएको परीक्षणमा ५ जनाका कोरोना संक्रमण देखिएको छ । उनीहरु सबै दैलेख डुंगेश्वर गाउँपालिका र नारायण नगरपालिका रहेका छन् । संक्रमितमध्ये ४ पुरुष र एक महिला रहेका छन् ।
यस्तै, सुर्खेतस्थित प्रयोगशालामा गरिएको परीक्षणमा २ जनामा कोरोना देखिएको छ । ती दुवै दैलेखको गुराँस गाउँपालिकाका रहेका छन् ।
यससँगै नेपालमा कोरोना संक्रमितको संख्या ६७५ पुगेको छ ।
।
