अस्पतालमा कर्मचारीको समूह बनाएर काममा खटाउन मन्त्रालयको निर्देशन

काठमाडौं—कोभिड—१९ को संक्रमण बढेसँगै स्वास्थ्य तथा जनसंख्या मन्त्रालयले स्वास्थ्यकर्मी र सहयोगीहरु संक्रमित हुन गई सेवा प्रवाहमा कठिनाई हुने भन्दैं समूह बनाएर जनशक्ति परिचालन गर्न निर्देशन दिएको छ ।

मंगलबार मन्त्रालयले निकालेको सूचनामा अस्पतालमा जनशक्ति व्यवस्थापन गर्दा दुई समूह बनाई आलोपालो ड्युटी खटाउन निर्देशन दिएको हो ।

स्वास्थ्य मन्त्रालयको सचिवस्तरीय सो निर्णयमा एक टोलीले एक हप्ता र अर्को टोली अर्को हप्ता गरी निरन्तर सेवाको सुनिश्चित गर्नुपर्ने उल्लेख गरिएको छ ।