ह्याम्स अस्पताल भर्ना भएका दुई जनामा काेराेना पुष्टि, एकलाई सशस्त्र अस्पताल लगियो

काठमाडौं– काठमाडौंको ह्याम्स अस्पतालमा उपचारका लागि काठमाडौं बाहिरबाट आएका दुई जना बिरामीमा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयको शुक्रबारको पत्रकार सम्मेलनमा कोभिड-१९ पुष्टि हुनेमा एक जना गुल्मी र अर्को कास्की जिल्लाका रहेको मन्त्रालयका प्रवक्ता डा. विकास देवकोटाले जानकारी दिए ।

इपिडिमियोलोजी तथा रोग नियन्त्रण महाशाखाकाअनुसार बिरामीमध्ये एक जनालाई सशस्त्र प्रहरीको बलम्बुमा रहेको कोभिड अस्पतालमा लागिएको छ भने अर्को संक्रमितलाई कुन कोभिड अस्पतालमा लैजाने भन्ने विषयमा छलफल भइरहेको छ ।

हेम्समा रहेका दुई बिरामीमध्ये एक जना पिसाब सम्बन्धि समस्या भएर भर्ना भएका हुन् भने अर्का संक्रमितमा अल्कोहलसँग सम्बन्धित समस्या रहेको छ ।