नेपाली कांग्रेसका सभापति गगन थापाद्वारा पदबाट राजीनामा

काठमाडौं—नेपाली कांग्रेसका सभापति गगनकुमार थापाले राजीनामा दिएका छन् । बुधबार उनले उपसभापति विश्वप्रकाश शर्मालाई राजीनामा बुझाएका हुन् ।

विशेष महाधिवेशनबाट पूर्व सभापति शेरबहादुर देउवालाई अपदस्थ गर्दै थापा नेपाली कांग्रेसको सभापति भएका थिए । उनको नेतृत्वमा रहेको नेपाली कांग्रेसले २१ फागुनमा भएको निर्वाचनमा देशव्यापी रुपमा पराजय भोगेपछि थापामाथि राजीनामाको नैतिक दबाब परेको थियो ।

२०७९ सालको निर्वाचनमा प्रतिनिधिसभामा ८९ सांसदका साथ पहिलो दल बनेको नेपाली कांग्रेसको २१ फागुन २०८२ सालको निर्वाचनमा ३८ सिटमा खुम्चिएको छ ।
थापा स्वयं पनि सर्लाही—४ बाट भारी मतान्तरले रास्वपाका उम्मेदवार अमरेशकुमार सिंहसँग पराजित भएका थिए ।

पूर्व स्वास्थ्य तथा जनसंख्यामन्त्री समेत रहेका थापाको राजीनामा शुक्रबार बस्ने कांग्रेस केन्द्रीय समिति बैठकमा पेश हुने बताइएको छ । तर, बैठकले उनको राजीनामा अस्वीकृत गर्ने सम्भावना प्रबल रहेको जानकारहरु बताउँछन् ।