२०८३ मंसिर १, मंगलवार
Health Aawaj logo
गृहपृष्ठ ∕ समाचार ∕ स्वास्थ्य मन्त्रालयको प्रवक्ता डा. जागेश्वर, डा. विकास गुणस्तर मापन महाशाखामा

स्वास्थ्य मन्त्रालयको प्रवक्ता डा. जागेश्वर, डा. विकास गुणस्तर मापन महाशाखामा


कठमाडौं—स्वास्थ्य तथा जनसंख्या मन्त्रालयका प्रवक्ता फेरिएका छन् । मन्त्रालयका प्रशासन महाशाखा प्रमुख रघुराम विष्टकाअनुसार डा. जागेश्वर गौतमलाई समन्वय महाशाखासहित प्रवक्ताको जिम्मेवारी दिइएको हो ।

अहिलेका प्रवक्ता डा. विकास देवकोटालाई भने गुणस्तर मापन महाशाखाको जिम्मेवारी दिइएको छ । । नयाँ प्रवक्ता तोकिएका डा. गौतम यसअघि गत बिहीबार मात्रै मन्त्रालयमा सरुवा भएका हुन् । त्यसअघि उनी परोपकार प्रसुती गृहका निर्देशक थिए ।

बिहीबारै मन्त्रालय मातहतको सबैभन्दा पावरफूल निकाय मानिने स्वास्थ्य सेवा विभागको महानिर्देशक पनि परिवर्तन गरेको थियो । मन्त्रालयले नयाँ महानिर्देशकमा डा. दीपेन्द्ररमण सिंहलाई जिम्मेवारी दिइएको छ । विभागका महानिर्देशक महेन्द्रप्रसाद श्रेष्ठलाई भने मन्त्रालय तानेर कोभिड—१९ क्राइसीसी म्यानेजमेण्ट सेन्टर (सीसीएमसी)मा काजमा जिम्मेवारी दिइएको थियो ।

उनीसँगै विभागअन्तर्गतको व्यवस्थापन महाशाखाका प्रमुख भोगेन्द्र डोटेललाई पनि मन्त्रालय तानिएको थियो, उनको ठाउँमा राष्ट्रिय एड्स तथा यौन रोग केन्द्रका निर्देशक डा. रमेश खरेललाई लगिएको थियो ।

परोपकार प्रसुती गृह थापाथलीको निर्देशकको जिम्मेवारी भने डा. संगीता मिश्रालाई दिइएको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ