स्वस्तिश्री गुरुकुलद्वारा एनेस्थेसिया विभाग वीर अस्पताललाई ८० थान ज्याकेट हस्तान्तरण

काठमाडौं – काठमाडौंको सानोभर्याङ्गमा रहेको स्वस्तिश्री गुरुकुलले चिकित्सा विज्ञान राष्ट्रिय प्रतिष्ठान (बीर अस्पताल) एनेस्थेसिया विभाग अस्पताललाई ८० थान ज्याकेट निःशुल्क हस्तान्तरण गरेको छ । बिहिबार आयोजित एक कार्यक्रममा स्वस्तिश्री गुरुकुल स्कूलका समाजसेवी डा. लुःज मानन्धरले एनेस्थेसिया विभागिय प्रमुख प्रा. डा. शान्ता सापकोटालाई ज्याकेट हस्तान्तरण गरेकी हुन् ।

कोभिड-१९को रोकथाम, नियन्त्रण र उपचारमा खटिने चिकित्सकहरुलाई लकडाउनका बेला आवतजावत र पहिचानमा सहज होस् भन्नका लागि ज्याकेट उपलब्ध गराइएको हो । मानिस समाजको एक हिस्सा भएको हुनाले यस्ता सामाजिक काम गर्नाले समाजलाई केहि टेवा पुग्ने समाजसेवी डा।लुःज मानन्धरले जनाए । उनले यसअघि पनि धेरै सामाजिक कामहरु गर्दै आएका छन् ।

ज्याकेट बुझ्दै विभागिय प्रमुख प्रा. डा. शान्ता सापकोटाले अहिलेको विषम परिस्थितीमा ज्याकेटले चिकित्सकहरुलाई अस्पताल आउजाउ र सबैले पहिचानमा सहज हुने बताए । कार्यक्रममा डाक्टर प्रदिप कोइराला, डाक्टर अनुप जंग कार्की डा. प्रतिक पौडेल, अस्पताल व्यवस्थापक उमेश खत्री लगायत एनेस्थेसिया विभागका पदाधिकारीहरुको उपस्थिती रहेको थियो ।