अबदेखि निजी प्रयोगशालामा पनि पिसिआर परीक्षण गरिने : प्रवक्ता गौतम

काठमाडौं – सरकारले निजी प्रयोगशालामै पिसिआर परीक्षण गर्ने व्यवस्था गर्ने निर्णय गरेको छ। स्वास्थ्य तथा जनसंख्या मन्त्रालयको आइतबारको पत्रकार सम्मेलनमा प्रवक्ता डा. जागेश्वर गौतमले आवश्यक प्रक्रिया पूरा गरी निजी प्रयोगशालाले पिसिआर परीक्षण गर्न पाउने व्यवस्था गर्ने निर्णय भएको जानकारी दिएका हुन्।

उनका अनुसार विदेश जानको लागि भिसा तथा निरोगिताको प्रमाणपत्रका लागि पाटन, वीर र त्रिवि शिक्षण अस्पतालमा भिसा तथा निरोगिताको प्रमाणपत्रका लागि पिसिआर परीक्षण गराउने व्यवस्था गरिएको छ।

निजी प्रयोगशालामा सरकारले हाल संकलन गरेका नमूना परीक्षणका लागि दिने उनले जनाए। मन्त्रालयले पिसिआर परीक्षणको मूल्य ५ हजार ५ सय शुल्क तोकेको छ।