‘ट्राभल हिस्टी’ नभएकामा देखियो कर्णालीमा कोरोना संक्रमण

सुर्खेत—कर्णाली प्रदेशको प्रदेश अस्पताल सुर्खेतमा उपचार गराउन आएका ३ जना व्यक्तिमा कोरोना पोजेटिभको देखिएको छ । तीनै जनाको ट्राभल हिस्टी छैन् ।

३१ र ३२ जेठमा दैलेखबाट आएका दुई जना बिरामी र सुर्खेतका १ जनामा कोरोना पोजेटिभको देखिएको हो । उनीहरुमा कोरोना देखिएसँगै प्रदेश अस्पतालको इमर्जेन्सी कक्ष सिल गरिएको प्रदेश अस्पतालका कोरोना फोकल पर्सन डा.के.एन. पौडेलले जानकारी दिए ।

दैलेखको दुल्लुबाट आएका दुई जना बिरामीहरुमध्ये एक जना ८ महिनाअघि देखि टिभीको बिरामी थिए भने दैलेखका अर्को एक जना र सुर्खेतका एक जनाले प्रदेश अस्पतालको इमर्जेन्सी वार्डमा उपचार गराइरहेका थिए ।

इमर्जेन्सी वार्डमा उपचार गराइरहेका ३ जनामा कोरोना पोजेटिभ देखिएपछि उनीहरुको नजिक गएका अस्पतालका चिकित्सक र अन्य कर्मचारी गरी ४० जनाभन्दा बढी अहिले अस्पतालको निगरानीमा रहेको फोकल पर्सन डा. पौडेलले जानकारी दिए ।