२०८१ साउन १०, बिहीबार
Health Aawaj logo
गृहपृष्ठसमाचारकाठमाडौं उपत्यकामा ४२ सहित थप ११८ जनामा कोरोना संक्रमण पुष्टि

काठमाडौं उपत्यकामा ४२ सहित थप ११८ जनामा कोरोना संक्रमण पुष्टि


काठमाडौं—काठमाडौं उपत्यकामा ४२ जनासहित थप ११८ जनामा कोरोना भाइरस (कोभिड—१९) संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा ११८ जनामा कोरोना संक्रमण पुष्टि भएको छ ।

मन्त्रालयकाअनुसार काठमाडौंका २८ जना, ललितपुरका १३ जना र भक्तपुरका १ जनामा कोरोना संक्रमण पुष्टि भएको हो । शुक्रराज ट्रपिकल सरूवा रोग अस्पतालमा गरिएको परीक्षणमा काठमाडाैंका १ जनामा कोरोना पुष्टि भएको हो । यस्तै, पाटन अस्पताल प्रयोगशालामा गरिएको परीक्षणमा काठमाडाैंका १५ जना, भक्तपुरका १ जना र ललितपुरका १३ जनामा संक्रमण पुष्टि भएको छ ।

त्रिवि शिक्षण अस्पताल प्रयोगशालामा गरिएको परीक्षणमा काठमाडाैंका १२ जना कोरोना संक्रमण पुष्टि भएको हो ।

नेपालमा पछिल्लो २४ घण्टामा कोरोना संक्रमण जितेर १२० जना डिस्चार्ज भएका छन् । यससँगै नेपालमा कोरोना जितेर घर फर्किनेको संख्या ८ हजार ११ पुगेकोछ ।

शुक्रबार ११८ जना संक्रमित थपिएसँगै नेपालमा कोरोना संक्रमितको संख्या  १६ हजार ६ सय ४९ पुगेको छ । जसमध्ये सक्रिय केस ८ हजार ६ सय ३ जना रहेका छन् ।

कहाँ कति ?

कोशी अस्पताल प्रयोगशाला विराटनगर— इलाम १ जना

प्रादेशिक प्रयोगशाला विराटनगर— पाँचथरका २ जना

गजेन्द्रनारायण सिंह अस्पताल प्रयोगशाला—सिरहा १ जना

प्रादेशिक प्रयोगशाला जनकपुर—धनुषाका ४ जना, महोत्तरीका ३ जना, सर्लाहीका ६ जना र सिरहाका १ जना

राष्ट्रिय जनस्वास्थ्य प्रयोगशाला टेकु— रसुवाका १ जना, डोटीका १ जना र सर्लाहीका १ जना

शुक्रराज ट्रपिकल तथा सरुवा रोग अस्पताल प्रयोगशाला—काठमाडौंका १ जना

भरतपुर अस्पताल प्रयोगशाला— चितवनका १ जना

पाटन अस्पताल प्रयोगशाला ललितपुर— बाँकेका १ जना, भक्तपुरका १ जना, काठमाडौंका १५ जना, काभ्रेका २ जना, ललितपुरका १३ जना, महोत्तरीका १ जना, रामेछापका १ जना, रौतहटका १ जना, सिन्धुलीका १ जना, सिन्धुपाल्चोकका १ जना

त्रिवि शिक्षण अस्पताल प्रयोगशाला—काठमाडौंका १२ जना, सर्लाहीका १ जना, इलामका १ जना, पाल्पाका २ जना, रुपन्देहीका १ जना, मकवानपुरका १ जना, धादिङका १ जना र कैलालीका १ जना

प्रादेशिक जनस्वास्थ्य प्रयोगशाला पोखरा—बाग्लुङका २ जना र तनहुँका ८ जना

पोखरा स्वास्थ्य विज्ञान प्रतिष्ठान प्रयोगशाला—गोरखाका १ जना, नवलपरासीका २ जना

प्रादेशिक प्रयोगशाला रुपन्देही—गुल्मीका ६ जना, पाल्पाका २ जना

दैलेख प्रयोगशाला—सुर्खेतका ७ जना, बाजुराका १ जना, दैलेखका २ जना

सुर्खेत प्रयोगशाला—डोल्पाका १ जना, सल्यानका १ जना र सुर्खेतका ४ जना


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ